ಹಾನರ್ ಹೋಲಿ ೩ ಪರಿಚಯ ಪ್ರಶ್ನೋತ್ತರ ಸಲಹೆಗಳು
ಹೂವಾವೇಯ ಅಂಗಸಂಸ್ಥೆಯಾದ ಹಾನರ್ ಕಂಪೆನಿಯು ಇತ್ತೀಚಿಗೆ ಭಾರತದಲ್ಲಿ ಹಾನರ್ ೮, ಹಾನರ್ ೮ ಸ್ಮಾರ್ಟ್ ಮತ್ತು ಹಾನರ್ ಹೋಲಿ ೩ ಎಂಬ ೩ ಹೊಸ ಸ್ಮಾರ್ಟ್ ಫೋನ್ ಗಳನ್ನು ಬಿಡುಗಡೆಮಾಡಿತು. ಹಾನರ್ ೮ ಸಂಸ್ಥೆ ಯ ಪ್ರಮುಖ ಸ್ಮಾರ್ಟ್ ಫೋನ್ ಆಗಿದ್ದು, ಹಾನರ್ ಹೋಲಿ ೩ ಈ ಮೂರರಲ್ಲಿ ಅತ್ಯಂತ ಅಗ್ಗದ ಸ್ಮಾರ್ಟ್ ಫೋನ್ ಆಗಿದೆ. ಈ ಬರಹದಲ್ಲಿ ನಾವು, ಹಾನರ್ ಹೋಲಿ ೩ ಬಗ್ಗೆ ಸಾಮಾನ್ಯವಾಗಿ ಕೇಳಲ್ಪಡುವ ಪ್ರಶ್ನೆಗಳು ಮತ್ತು ಕೆಲವೊಂದು ಸಲಹೆ ಟಿಪ್ಪಣಿಗಳ ಬಗ್ಗೆ ತಿಳಿದುಕೊಳ್ಳೋಣ.
ಹಾನರ್ ಹೋಲಿ ೩ ಪರಿಚಯಾತ್ಮಕ ಪ್ರಶ್ನೋತ್ತರಗಳು ಮತ್ತು ಸಲಹೆ ಟಿಪ್ಪಣಿಗಳು
ಭಾರತದಲ್ಲಿ ಹಾನರ್ ಹೋಲಿ ೩ರ ಬೆಲೆ ಏನು? ಇದು ಎಲ್ಲಿ ದೊರೆಯುತ್ತದೆ ?
ಹಾನರ್ ಹೋಲಿ ೩ರ ಬೆಲೆ ರೂ.೯೯೯೯ ಆಗಿದ್ದು, ಸದ್ಯಕ್ಕೆ Flipkart.com ಮತ್ತು Amazon.in ನಲ್ಲಿ ಲಭ್ಯವಿದೆ.ಹಾನರ್ ಹೋಲಿ ೩ ಯಾವ ಬಣ್ಣಗಳಲ್ಲಿ ದೊರೆಯುತ್ತದೆ ?
ಇದು ಕಪ್ಪು, ಬಿಳಿ ಮತ್ತು ಚಿನ್ನದ ಬಣ್ಣಗಳಲ್ಲಿ ದೊರೆಯುತ್ತದೆ.ಇದರಲ್ಲಿ ಮೈಕ್ರೋ ಎಸ್ ಡಿ ಕಾರ್ಡ್ ಉಪಯೋಗಿಸಬಹುದಾ? ಇದಕ್ಕಾಗಿಯೇ ಮೀಸಲಾದ ಜಾಗವಿದೆಯಾ?
ಇದೆ. ಇದರಲ್ಲಿ ನೀವು ೨ ಸಿಮ್ ಕಾರ್ಡ್ ಮತ್ತು ಮೈಕ್ರೋ ಎಸ್ ಡಿ ಕಾರ್ಡ್ ಏಕಕಾಲದಲ್ಲಿ ಬಳಸಬಹುದು.ಹಾನರ್ ಹೋಲಿ ೩ ರಲ್ಲಿ ಯಾವ ರೀತಿಯ ಸಿಮ್ ಕಾರ್ಡ್ ಬಳಸಬಹುದು?
ಇದರಲ್ಲಿ ಮೈಕ್ರೋ ಸಿಮ್ ಕಾರ್ಡ್ ಅನ್ನು ಬಳಸಬಹುದು.ಹಾನರ್ ಹೋಲಿ ೩ ಗುಣವೈಶಿಷ್ಟ್ಯಗಳೇನು?
- ೧.೨ ಗಿಗಾ ಹಾರ್ಟ್ಸ್ ಸಾಮರ್ಥ್ಯದ ಓಕ್ಟಾ ಕೋರ್ ಕಿರಿನ್ ೬೨೦ ಪ್ರೊಸೆಸರ್ ಮತ್ತು ೨ ಜಿಬಿ ರ್ಯಾಮ್ .
- ೧೬ ಜಿಬಿ ಆಂತರಿಕ ಸಂಗ್ರಹ ಸಾಮರ್ಥ್ಯ(ಇದರಲ್ಲಿ ಸುಮಾರು ೧೦ಜಿಬಿ ಯಷ್ಟು ಬಳಕೆಯೊಗ್ಯ).
- ೧೨೮ ಜಿಬಿ ವರೆಗಿನ ಮೈಕ್ರೋ ಎಸ್ ಡಿ ಕಾರ್ಡ್ ಹಾಕುವ ಸಾಮರ್ಥ್ಯ.
- ೧೩ ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮರಾ ಮತ್ತು ೮ ಮೆಗಾಪಿಕ್ಸೆಲ್ ಸ್ವಂತೀ ಕ್ಯಾಮರಾ.
- ೩೧೦೦ ಎಂ ಎ ಎಚ್ ಬ್ಯಾಟರಿ.
- ೫.೫ ಇಂಚಿನ ೭೨೦ಪಿ ಎಚ್ ಡಿ ಪ್ರದರ್ಶನ ತೆರೆ.
- ಬೆಳಕು ಸಂವೇದಕ, ಡಿಜಿಟಲ್ ದಿಕ್ಸೂಚಿ ಸಂವೇದಕ, ಸಾಮೀಪ್ಯ ಸಂವೇದಕ ಮತ್ತು ಅಕ್ಸೆಲೆರೊಮೀಟರ್.
ಹಾನರ್ ಹೋಲಿ ೩ ರ ಪರದೆಯನ್ನು ಸೆರೆಹಿಡಿಯುವುದು ಹೇಗೆ?
ಹಾನರ್ ಹೋಲಿ ೩ ರ ಪರದೆಯಲ್ಲಿ ಮೂಡಿದ್ದನ್ನು ಸಂಗ್ರಹಿಸಲು(Screenshot on Honor Holly ೩) ಹಲವು ವಿಧಾನಗಳಿವೆ. ಇದರಲ್ಲಿ ಸುಲಭವಾದ ವಿಧಾನವೆಂದರೆ, screenshot ಗುಂಡಿ ವಿಧಾನ. ಇದಕ್ಕೆ,
- ನಿಮಗೆ ಬೇಕಾದ ಪರದೆಗೆ ಹೋಗಿ.
- ಈಗ ಪರದೆಯ ಮೇಲ್ಭಾಗದಿಂದ ಕೆಳಕ್ಕೆ ಉಜ್ಜಿ ಪರದೆಯ ಮೇಲೆ ಉಜ್ಜಿ .
- ಸೂಚನೆಗಳ ಪ್ರದೇಶಕ್ಕೆ(Notification) ಹೋಗುವಿರಿ. ಈಗ Shortcut ಆಯ್ಕೆ ಮಾಡಿ.
- ಈಗ ಪರದೆಯಲ್ಲಿ screenshot ಗುಂಡಿ ಕಾಣಸಿಗುತ್ತದೆ. ಅದನ್ನ ಒತ್ತಿ.
- ನೀವು ಯಾವ ಪರದೆಯಲ್ಲಿದ್ದೀರೋ ಆ ಪರದೆಯು ಸೆರೆಹಿಡಿಯಲಾಗುತ್ತದೆ.
- ಸಂಗ್ರಹಿಸಿದ ಪರದೆಯ ಚಿತ್ರವನ್ನು, Gallery ಕಡತ ಕೋಶದಲ್ಲಿ ನೋಡಬಹುದು.
ಹಾನರ್ ಹೋಲಿ ೩ಯ ಅನಾನುಕೂಲತೆಗಳೇನು ?
ಇದು ಹಾನರ್ ಹೋಲಿ ೩ ರ ಸಂಪೂರ್ಣ ವಿಮರ್ಶೆ ಅಲ್ಲ . ಸವಿವರವಾದ ಸಾಧಕ ಭಾಧಕಗಳ ಬಗ್ಗೆ ಮುಂದಿನ ಸಂಚಿಕೆಯಲ್ಲಿ ಬರೆಯುತ್ತೇನೆ. ಇದರ ಬೆಲೆಯ ಆಸುಪಾಸಿನಲ್ಲಿ ದೊರಕುವ ಬೇರೆ ಸ್ಮಾರ್ಟ್ ಫೋನ್ ಗಳನ್ನು ಗಮನದಲ್ಲಿಟ್ಟುಕೊಂಡು ನೋಡಿದಾಗ, ಮೊದಲ ನೋಟದಲ್ಲಿ ನನಗನಿಸಿದ ಅನಾನುಕೂಲತೆಳು ಈ ಕೆಳಗಿನಂತಿವೆ.
- ಬೆರಳಚ್ಚು ಸಂವೇದಕವಿಲ್ಲ.
- ಸೂಚನೆಗಳನ್ನು ತಿಳಿಸುವ ಎಲ್ ಇ ಡಿ ದೀಪವಿಲ್ಲ.
- ಆಪ್ ಗಳನ್ನು ಮೈಕ್ರೋ ಎಸ್ ಡಿ ಕಾರ್ಡ್ ಗೆ ವರ್ಗಾಯಿಸುವ ಅವಕಾಶವಿಲ್ಲ .
Comments
Post a Comment